Autoritetet belge kanë arrestuar një të ri shqiptar pasi është kapur brenda një banese të kthyer në plantacion për rritjen e kanabisit. Mësohet se i riu shqiptar u gjet në një shtëpi në Belgjikë, brenda të cilës kishte rreth 1000 rrënjë kanabisi.
Sipas mediave të huaja kanabisi ishte ndarë në 3 dhomat e shtëpisë, në të cilën i riu ishte dërguar sapo kishte mbërritur në Belgjikë në gushtin e vitit të kaluar.
Para gjykatës i riu ka pranuar rolin e tij dhe veprën e kryer, ndërsa drejtësia e ka dënuar me 18 muaj burg dhe 5 vite ndalim të hyrjes në territorin belg pas shlyerjes së dënimit.
