Ditën e sotme, policia e Himarës ka marrë njoftim për 2 turistë që kishin mbetur në det. Mësohet se në plazhin e Livadhit turistët, me një mjet lundrues kajk, e kishin të pamundur të ktheheshin në breg për shkak të dallgëve të larta. Menjëherë pas marrjes së njoftimit janë organizuar shërbimet e Policisë Kufitare, për t’iu shkuar në ndihmë 2 turistëve çekë.
Ata kanë shkuar në vendin ku kishin ngelur turistët dhe i kanë shoqëruar ata deri në breg. Dy turistët janë në gjendje të mirë shëndetësore.
