Dy të rinj kanë rënë në pranga pasi dyshohet se janë autorë të vjedhjes së 7 banesave në Kavajë. Të arrestuar janë Shkëlqim Çopa, 20 vjeç, dhe Alfred Përshtaku, 29 vjeç, të dy banues në Golem.
Në bashkëpunim me njëri tjetrin, ata dyshohen se kanë vjedhur 7 banesa në gjatë periudhës prill-qershor 2023. Dy të arrestuarit kanë arritur të marrin pajisje elektrike, mobilje dhe vegla pune.
Policia ka sekuestruar 1 kuti me çelësa mekanikë, gërshërë, kaçavida, 2 celularë dhe 2 motoçikleta me të cilat lëviznin këta shtetas. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
