Hailey Bieber u bëri thirrje fansave të saj që të mos lënë “komente të këqija” nën postimet e Selena Gomez.
“Nëse jeni duke lënë komente të këqija ose të vrazhda në emrin tim në postimet e dikujt, kijeni parasysh që unë nuk e dua këtë, as nuk do e mbështes ose do t'i fal ndonjëherë komentet e urrejtjes, keqdashëse ose të neveritshme,” shkroi modelja në Instagram Stories të hënën. Themeluesja e Rhode vazhdoi, “ Nëse jeni duke marrë pjesë në këtë, ju jeni pjesë e një kulture në të cilën unë nuk dua të bëj pjesë. Të lutem tregohuni të mirë ose mos thoni asgjë."
Postimi i Bieber vjen disa ditë pasi urrejtësit mbushën seksionin e komenteve të postimit të fundit të Selenas me komente negative. Shumë e akuzuan atë se ishte "xheloze" ndaj Hailey-t dhe bashkëshortit të saj, Justin Bieber, i cili gjithashtu ndodh të jetë ish-i i saj. “Të vijë turp për veten, shkaktove gjithë dramën e pakuptimtë. Patetik,e” shkroi një kritik, ndërsa një tjetër e quajti Gomezin një “mjeshtër të manipulimit”. “Mos luani viktimë, është e neveritshme. Jeni 30!”, shtoi një tjetër përdorues i mediave sociale.
Në mars, Gomez gjithashtu u tha të gjithë fansave të saj që të ndalonin kërcënimet ndaj modeles. “Hailey Bieber më kontaktoi dhe më bëri të ditur se ajo ka marrë kërcënime me vdeekje dhe një negativitet kaq të urryer”, shkroi këngëtarja e “Calm Down” në një deklaratë në Instagram. Artistja shtoi se “askush” nuk duhet të përjetojë “urrejtje apo ngacmim” dhe ajo nuk e “mbron” këtë. "Unë gjithmonë kam mbrojtur mirësinë dhe me të vërtetë dua që e gjithë kjo të ndalet," përfundoi ajo. /Lapsi.al
