Camila Cabello është sërish në lidhje disa muaj pasi ajo dhe ish-i dashuri Shawn Mendes ndezën për herë të parë thashethemet për një rikthim që duket se ka marrë fund, konfirmon PEOPLE.
Cabello, 26, dhe Mendes, 24, fillimisht u ndanë në nëntor 2021 pas dy vitesh lidhje. Por në prill, ata u panë duke u puthur në Coachella dhe një burim i tha PEOPLE në atë kohë se ata "dukeshin gjithmonë se kishin një lidhje të veçantë" dhe ishin "ishin miq për muaj të tërë". Megjithëse dyshja u panë dhe disa herë së bashku në New York City dhe Los Angeles raportet që u shfaqën në fillim të qershorit treguan se ata janë ndarë përsëri.
Më pas, më 9 qershor, Mendes publikoi një këngë të re, "What the Hell Are We Dying For?", e cila përmbante tekste që shumë fansa mendonin se lë të kuptohet për një ndarje. "Tymi në ajër, qyteti po digjet / dua të flas, por nuk bëj zë," këndon ai duke iu referuar tymit që mbuloi qytetin e Nju Jorkut pas zjarreve në Kanada. "I mbyllur në mendjen time, je gjithçka për të cilën mendoj."
Këngëtari foli për frymëzimin e këngës me Zane Lowe në Apple Music 1 dhe shpjegoi se ai e kishte shkruar këngën ndërsa po kalonte ndarjen. Mendes shpjegoi se ende ndihet sikur është "në një vend shumë konfuz" në jetë, dhe kënga ishte mënyra e tij për t'i shprehur ato mendime./Lapsi.al
