Kevin Federline ka reaguar ndaj një raporti të fundit që pretendonte se ai "kishte frikë" se ish-gruaja Britney Spears ka përdorur dr0gë".
Ish-balerini rezervë, i cili ishte i martuar me Spears nga viti 2004 deri në 2007, kritikoi gazetaren Daphne Barak për "fabrikim" të citimeve të tij, duke pretenduar në Instagram se ajo "gënjen" në raportet "shqetësuese" të publikuara nga Sun dhe Daily Mail.
“ Daphne Barak dhe producenti i saj Erbil Gunasti kanë vendosur të sajojnë gënjeshtra dhe të publikojnë dhimbjet që familja jonë ka duruar, së bashku me traumën e fëmijëve tanë të mitur në Daily Mail dhe The Sun", shkroi Federline. “Ne e lejuam Daphne & Bill-in në shtëpinë tonë sepse kishim besim, por ai besim humbi dhe ne i ndërpremë lidhjet në mars për shumë arsye.”
Federline pohoi më tej se Barak po e ngacmonte atë. “Është shumë shqetësuese që ajo vazhdon të ngacmojë familjen tonë kur ne i kemi kërkuar vazhdimisht të na lërë vetëm”, ka shkruar ai. “Siç u publikua më parë, familja jonë foli disa herë me zonjën Barak dhe zotin Gunasti, dhe kjo u bë në mënyrë të respektueshme me dashuri dhe dhembshuri për Britney dhe familjen Spears. Gënjeshtrat dhe përpjekjet e saj për të shfrytëzuar të miturit janë klikim dhe një shembull tjetër i neveritshëm se ku, për fat të keq, gazetariaështë fundosur sot.”
Spears gjithashtu reagoi ndaj lajmeve të dielën, duke shkruar pjesërisht përmes Instagramit, “Fakti që njerëzit po pretendojnë gjëra që nuk janë të vërteta është shumë e trishtueshme. “Më thyen zemrën dhe lajmet janë kaq të ulëta. Është e trishtueshme sepse të gjithë rrinë duarkryq sikur është në rregull për të shpikur gënjeshtra në atë masë.”
Diku tjetër në artikull, gazetarja pretendoi se babai i larguar i Britney, Jamie Spears, i tha asaj se kishte frikë se vajza e tij po shkonte në të njëjtën rrugë tragjike si Amy Winehouse, e cila ndërroi jetë nga helmimi nga alk00li në moshën 27-vjeçare në vitin 2011. "Britney mund të vdesë si Amy," tha Jamie duke iu referuar këngëtares "Back to Black". Raporti gjithashtu pretendonte se djemtë e Britney dhe Federline - Sean Preston, 17 vjeç dhe Jayden, 16 kishin parë dr0gë të dërguar në shtëpinë e nënës së tyre./Lapsi.al
