Elon Musk së fundmi është tallur me Megan Fox pasi aktorja mohoi pretendimet se ajo "i detyroi" djemtë e saj dhe të Brian Austin Green të vishnin "rroba vajzash".
Pasi Fox e quajti veten një "shtrigë" ndërsa i kundërpërgjigjej Robby Starbuck përmes Instagramit, Musk, postoi të dielën në Twitter se ai "po kërkonte të punësonte një të famshëm të Witchcraft & Propaganda".
Shumë përdorues të mediave sociale e lidhën postimin e CEO-t të Tesla-s me aktoren e "Jennifer's Body", ku dikush i tha atij se Fox ishte "vajza e duhur " për këtë punë. Kur një tjetër postues në Twitter pretendoi se Megan është "shumë keq në propagandë", Musk u përgjigj: "Askush nuk është i përsosur".
Ndërsa Fox ende nuk i është përgjigjur manjatit të biznesit, reagimi i saj ndaj pretendimeve të Starbuck për fëmijët e saj - Noah, 10, Bodhi, 9 dhe Journey 6 - u bë virale. Ish-kandidati i Kongresit Amerikan pretendoi javën e kaluar se ai dëgjoi dy nga të vegjlit duke thënë se ishin detyruar nga nëna e tyre të vishnin rroba vajzash, ndërsa dadoja e tyre u përpoq t'i ngushëllonte".
Starbuck, pretendoi se kishte jetuar "në të njëjtin komunitet" me familjen e Fox pesë vjet më parë. Fox e sulmoi atë të shtunën për përdorimin e “fëmijëve të saj si levë apo monedhë sociale. Ajo shtoi, "shfrytëzimi i identitetit gjinor i fëmijës sim për të tërhequr vëmendjen në fushatën tuaj politike ju ka vënë në anën e gabuar të universit. Unë jam sulmuar nga burra të pasigurt, narcistë, impotent, të vegjël si ju shumë herë, e megjithatë jam ende këtu.” Green, doli gjithashtu në mbrojtje të ish-gruas së tij, duke i thënë TMZ se pretendimi i Starbuck ishte "absolutisht jo" i vërtetë dhe i motivuar nga dëshira "egoiste".
