Marlon Wayans nuk u përmbajt teksa ndau përvojën e tij frustruese të udhëtimit me United Airlines në mediat sociale.
Aktori i "White Chicks" hyri në Instagram për të rrëfyer incidentin që rezultoi në mungesën e performancës së tij në Kansas City. Sipas Wayans, ai debatoi me një punonjës të linjës ajrore për çantat e tij.
Në një video në Instagram, aktori 50-vjeçar shprehet i zhgënjyer: "Shumica e punonjësve janë shumë të sjellshëm, por herë pas here, ndeshesh me njerëz të këqij. Ky ishte njëri prej tyre. @united ky lloj punonjësi nuk duhet të punojë kurrë në kompaninë tuaj." Wayans zbuloi gjithashtu se ai mori një letër për prishje të qetësisë nga Departamenti i Policisë së Denverit pas incidentit.
Duke kundërshtuar pretendimet e punonjësit, Marlon theksoi: "Ai u përpoq të gënjente dhe të thase e kam sulmuar... Videoja tregon qartë se nuk e kam prekur kurrë."Ky ishte një sulm nga ana tij dhe unë do sigurohem që të gjithë miqtë, familja dhe njerëzit e mi të ndalojnë së fluturuari me @united. Kjo do të jetë një çështje e korporatës."
Marlon nuk u ndal me kaq. Ai postoi një foto të tij në një fluturim të American Airlines, duke deklaruar: "Fluturoni atje ku jeni të respektuar, të mbrojtur dhe të dashur. Aktori kërkoi përgjigje, kompensim për shfaqjet e humbura dhe falje nga kompania ajrore. "Më keni borxh për shqetësimin tim, për shfaqjet e mia të humbura, dhe mbi të gjitha, ju i detyroheni fansave të mi të zhgënjyer. Pasi të më kompensoni, duhet t'u jepni të gjithë fansave të prekurkupona për udhëtime falas."/Lapsi.al
