Amy Schumer ka folur për arsyet e largimit nga filmi Barbie pasi fillimisht ishte përzgjedhur për të luajtur kukullën.
Komediania thuhej se do merrte pjesë në film në vitin 2016, por përfundimisht u largua nga projekti vitin e ardhshëm. Megjithëse Barbie fillimisht po zhvillohej në Sony, ajo u transferua në Warner Bros pas përfundimit të përfshirjes së Schumer në film. Tani, Margot Robbie do të portretizojë lodrën ikonë të fëmijëve në filmin e drejtuar nga Greta Gerwig, i cili do të shfaqet në kinema muajin e ardhshëm.
Gjatë shfaqjes së Watch What Happens Live me Andy Cohen, Schumer foli për largimin e saj nga projekti. Kur u kërkua nga prezantuesi i emisionit Andy Cohen të tregonte një arsye specifike për largimin e saj, ajo bëri shaka duke thënë se ishte "shumë e dobët" për rolin, përpara se të shtonte: "Mezi pres të shoh filmin. Unë mendoj se do jetë i mrekullueshëm.
“Ne thamë se ishte planifikimi i orareve. Por në të vërtetë ishin dallimet krijuese. Tani ka një ekip të ri pas tij dhe duket se është shumë feminist dhe i lezetshëm, kështu që unë do ta shoh këtë film", u shpreh ajo. Cohen më pas e pyeti: "Pra, nuk ishte e lezetshme kur ju kërkuan të merrnit pjesë?" "Po" tha Schumer. Filmi i ardhshëm do të përqendrohet në Barbie të Robbie dhe të dashurin e saj, Ken (Ryan Gosling), duke lënë Barbieland për një aventurë në botën reale. /Lapsi.al
