Drafti që Rama propozoi për asociacionin e komunave serbe në Kosovë u kalua me indiferencë nga Albin Kurti, ndërsa është refuzuar nga një pjesë e mirë e opinionit në Kosovë. Një pjesë e politikanëve të Kosovës e kanë ironizuar, ndërsa të tjerë kanë kërkuar që Rama të qëndrojë jashtë situatës së krijuar në veri.
Këtyre, Rama iu është përgjigjur në një mesazh në tëitter ku shkruan se frika e atyre që e shajnë dhe akusojnë është se mos humbasin armikun që "u krijon kushtin ekzistencial që të flasin dhe të sillen si në llogore".
"Ata që shajnë e akuzojnë pa e ditur fare çka përmban draft-Statuti i Asociacionit kanë frikë vetëm nga një gjë: Se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar në 1999 dhe armiku është mundur!" shkruan Rama.
Ndërkohë, Vuçiç sot kundërshtoi propozimet për formimin e Asociacionit të komunave me shumicë serbe përfshirë atë që bëri kryeministri i Kosovës Albin Kurti, kryeministri shqiptar Edi Rama, si dhe disa organizata joqeveritare.
“Asnjëri prej tyre nuk ka të drejtë të ketë çfarëdo propozimesh. Propozimin e japin serbët dhe Ekipi Menaxhues i përbërë nga serbët”, tha Vuçiq.
Por për Vuçiçin, Rama nuk ka pasur një mesazh kundërshtues.
https://lapsi.al/2023/06/08/konferenca-e-shtypit-pse-manipuloi-rama-me-asocacionin/
