Kreu i grupit parlamentar të PD Gazment Bardhi u shpreh i hapur për një takim me ish kryeministrin Sali Berisha, per nje bashkim të PD. Pas mbledhjes se grupit parlamentar, Bardhi iu përgjigj edhe interesit të gazetarëve nëse mes tij dhe Alibeajt ka një “përplasje”, pasi ky i fundit nuk ishte i pranishëm sot në mbledhje.
Bardhi u mjaftua duke thënë se ai nuk ka qenë i pranishëm as në seancën plenare, duke mos dhënë më tepër detaje.
Përplasje me Alibeajn?
Bardhi: Alibeaj nuk ka qenë në seancë, në mbledhjen e fundit të grupit Alibeaj ka qenë prezente. Ka një detyrim statutor, ajo që unë di t’ju them është se funksionari më i lartë drejtues i partisë për momentin është Tabaku.
A jeni i gatshëm të takoheni me Berishën?
Bardhi: Parimi është unë e jap pergjigjen ashtu si mua ma vjen ta jap. Platforma do të jetë publike, nëse ka apo jo vija te kuqe. Pyetjes tuaj ju kam kthyr disa herë përgjigje. Unë s’kam asnjë problem të ulem me cilindo brenda Pd, për të diskutuar se cila është rruga më e mirë për ta cuar përpara PD.
