Kylie Jenner u kap duke anashkaluar protokollet e sigurisë në objektin e saj të prodhimit të kozmetikës, pavarësisht se deklaroi ndryshe në gusht 2022. Gjatë episodit të së enjtes të emisionit të Hulu "The Kardashians",Kylie vizitoi laboratorin e vendosur në Milano.
Ndërsa ishte brenda, ajo ishte pa doreza dhe me flokë të lëshuara teksa përziente me dorë një korrektor Kylie Cosmetics. Në një moment ajo madje vendosi një gotë deri te buzët e saj dhe tha: "Dua ta pi". Punonjës të tjerë në laborator mund të shiheshin duke vëzhguar nënën e dy fëmijëve teksa mbanin veshje të plota laboratorike, duke përfshirë rrjeta flokësh dhe maska për fytyrën.
25-vjeçarja u kritikua më parë pasi ajo postoi foto në Instagram në fabrikën e prodhimit. "Në laborator duke krijuar magji të re për ju djema. Më mirë se kurrë," shkroi Jenner në Instagram në gusht 2022 krahas fotove të saj në objekt. Disa ndjekës shprehën shqetësimin se flokët e gjatë të saj do të përfundonin në produktet e tyre.
Zhvilluesi i kozmetikës, Kevin James Bennett, hyri në Instagramin e tij për të kritikuar Jenner-in dhe objektin e prodhimit për lejimin e manjatit të kozmetikës të ndërveprojë me produktet pa ndjekur "protokollet e duhura higjienike". Në një koment të fshirë që atëherë, sipërmarrësja u mbrojt në postimin e Bennett, duke shkruar, "Kevin - kjo foto nuk është bërë në një fabrikë prodhuese. Unë kurrë nuk do t'i anashkaloja protokollet sanitare dhe as ndonjë pronar tjetër i famshëm ose markë bukurie."/Lapsi.al
