Këngëtari Julio Iglesias prej disa kohësh thuhet se ka probleme shëndetësore, gjë që ka shqetësuar fansat e tij.
Sipas drejtuesve të programit 'A la tarde' në America TV në Argjentinë, ata pohojnë se një dëmtim i vjetër po i shkakton aq dhimbje sa e ka lënë në karrige me rrota dhe madje po i përkeqëson shëndetin mendor.
Gazetarja Cora Debarbieri tregoi për programin se “ai pësoi një aksident të tmerrshëm kur ishte shumë, shumë i vogël, dhe iu desh të bënte një operacion në shtyllën kurrizore dhe kjo i solli shumë dhimbje dhe shumë shqetësime gjatë gjithë jetës së tij”. Ndërkohë, prezantuesi Matías Vázquez shtoi se sistemi motorik dhe njohës i Julio Iglesias nuk po funksiononte siç duhet, prandaj "ai nuk i kujton më as këngët e tij". Vázquez tregoi gjithashtu se këngëtari 79-vjeçar nuk kishte treguar për gjendjen shëndetësore duke braktisur kontaktin e drejtpërdrejtë me disa nga miqtë e tij. Nga ana tjetër djali i tij ka kërkuar të komunikojë me të. “Nuk dua lekë, e vetmja gjë që kërkoj është një takim me ju, që të mund të flasim”, ka deklaruar djali i tij./Lapsi.al
