30 punonjës të inceneratorit të Fierit protestuan sot në mëngjes pasi prej pesë muajsh nuk kanë marrë pagat. Inceneratori është sekuestruar nga SPAK dhe është vendosur një administrator nga shteti.
Punëtorët e inceneratorit të Fierit kanë bojkotuar punën duke bllokuar hyrjen e automjeteve që kryejnë shkarkimin e mbetjeve urbane të 6 bashkive të Qarkut Fier.
Punëtorët theksojnë se janë ankuar tek administratori Farudin Arapi, i cili ju premtoi se do të likuidohen shumë shpejt, por deri tani kjo nuk ka ndodhur.
