Lily-Rose Depp po tregon mbështetje për babain e saj pas premierave të tyre të njëpasnjëshme në Festivalin e Filmit në Kanë 2023.
Duke folur për ET nga Jugu i Francës , aktorja ndau ndjenjat e saj për pjesëmarrjen e Johnny Depp në Cannes, ku drama e tij biografike Jeanne du Barry u prit me ovacione të vazhdueshme. "Jam super e lumtur për të. Jam shumë e emocionuar," tha Lily-Rose, në një intervistë virtuale. "Dhe është kaq e mrekullueshme që ne mund të bëjmë projekte për të cilat jemi super krenarë."
59-vjeçari mbërriti në festivalin prestigjioz të filmit një vit pas gjyqit të tij shumë të publikuar për shpifje me ish-bashkëshorten Amber Heard. Në burim i tha kohët e fundit PEOPLE se Johnny "po kalon kohë shumë të mira" tani. "Atij i pëlqen shumë të punojë dhe të bëjë turne përsëri. Ai ka arritur ta kthejë jetën e tij. Ka prioritet shëndetin dhe punën ”, u shpreh burimi.
Sa i përket Lily-Rose, ajo mori pjesë në festival për debutimin e serialit të saj,The Idol, me protagonist Abel Tesfaye (i njohur edhe si The Weeknd) dhe me regji të Sam Levinson. Për herë të parë duke e parë si audiencë, Lily-Rose tha se ndjenja ishte "e pabesueshme", duke shtuar se "Ndjehej një festë kaq e bukur dhe një kulm i gjithçkaje që kemi kaluar së bashku. Krijuam këtë familje të vogël dhe u ndjeva shumë mirë. Ishte shumë bukur të shikoja reagimin e audiencës dhe më në fund arrita të ndaj diçka me botën që jemi të gjithë kaq krenar".
