Lideri i opozitës Sali Berisha ka shfrytëzuar sot foltoren e parlamentit për të diskredituar procesin zgjedhor të 14 majit përmes rastit të PSD-së së Tom Doshit. Me sensin e tij të hiperbolës ai tha se se këtë radhë ka ndodhur manilulimi dhe blerja më masive në histori. Për të vërtetuar këtë ai solli rastin e partisë së Doshit rezultati i të cilës u shumfishua këto zgjedhje. PSD morri 89 mijë vota të përkthyera në mbi 100 këshilltarë bashkiakë në të gjithë vendin. "Ai i rriti votat me 240% ose 4.4 herë. Në rast se Doshi e rriti kaq shumë blerjen, po Edi Rama që vetëm nga buxheti 'dhuroi" 33 milione euro tek 670 mijë pensionistë sa herë duhet të jetë rritur. Cili vend në botë ka bërë një akt të tillë në mes të procesit zgjedhor", pyeti ai.
Shifrat/ Si u bë parti e tretë PSD e Tom Doshit
Me sa duket rritja e habitshme e PSD së Tom Doshit, e cila nuk ku pa askund në fushatë, që mori një kohë pothuasje të papërfillshme televizive për të prezantuar 'idetë" dhe kandidatët e saj, do përdoret nga opozita si prova më e madhe e prekshme se në këto zgjedhje pati një anomali të pashpjegueshme.
©Lapsi.al
