Shtyhet më datë 7 qershor çështja Gërdeci, në orën 14:00, kjo pasi në seancë nuk janë paraqitur avokatët e ish-ministrit Fatmir Mediu.
Gjykata e Posaçme cakton avokat kryesisht, nëse mbrojtja e Mediut nuk paraqitet me datë 7.
Gjatë kësaj kohe gjykata i la kohë dhe avokatit kryesisht Artan Simoni të njihet me aktet e dosjes.
Për kërkesën e familjarëve për të qenë prezent gjykata kërkoj qendrimin e prokurorit dhe më pas të shprehet.
Të pranishëm në seancën e sotme kanë qenë dhe familjarët e viktimave të Gërdecit.
Mediu u mor i pandehur nga SPAK i cili mbylli hetimet dhe dërgoi për gjykim çështjen ndaj ish ministrit, në lidhje me shpërthimin e ndodhur në Gërdec.
Në njoftimin e SPAK thuhej se në përfundim të hetimeve është vendosur që çështja të dërgohet në GJKKO, me akuzën e shpërdorimit të detyrës kryer në bashkëpunim.
SPAK bëri me dije se është vendosur ndarja e çështjes penale, për veprat penale “Korrupsion pasiv i funksionarëve të lartë shtetërore apo i të zgjedhurve vendore” dhe “Pastrim i produkteve të veprës penale ose veprimtarisë kriminale”, për të cilat hetimi është ende duke u zhvilluar.
