Një tjetër aksident i rëndë ka ndodhur në Laç, pranë mbikalimit të Patokut, ku 6 persona kanë mbetur të plagosur. Mëson se në aksident janë përfshirë dy automjete, ndërsa raportohet se 4 të plagosur në gjendje më të rëndë janë transportuar për në spitalin e Traumës në Tiranë, ndërsa dy të tjerë po marrin mjekim në spitalin e Laçit.
Në vendngjarje shkoi grupi hetimor dhe policia e qarkullimit për te zbardhur shkaqet e aksidentit. Ndërkohë me herët në dalje të Lezhës, një automjet përplasi për vdekje një këmbësor.
“Rreth orës 22:00, në Laç, në vendin e quajtur "Mbikalimi i Patokut", janë aksidentuar dy automjete me drejtues shtetasit V. N. dhe A. H. Për pasojë janë lënduar dhe ndodhen në spital për ndihmën e nevojshme mjekësore, drejtuesi V. N. dhe pasagjerët në të dy mjetet shtetasit D. D., V. D., E. P., P. D. dhe B. D., jashtë rrezikut për jetën. Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit” – thuhet në njoftimin e policisë. ©LAPSI.al
