Heraklioni është goditur mbrëmë nga lëkundje termeti, që nisën në pjesën jugore të prefekturës, duke kulmuar me tërmetin e fortë prej 5.1 të shkallës rihter. Thellësia ishte 8.9 kilometra dhe lëkundjet u ndjenë edhe në Rethymnon dhe në Kretën lindore. Zona vazhdoi të dridhej gjatë gjithë natës duke pësuar të paktën 25 pasgoditje.
Pak pas mesnatës së të enjtes, në zonën e Kaminias, në Heraklion, siç raportojnë dëshmitarët, një pjesë betoni e çatisë u shemb nga një shtëpi, duke shkatërruar edhe një ballkon.
Sipas asaj që është bërë e ditur, në katin përdhes të këtij pallati jeton një familje që në atë kohë ndodhej brenda shtëpisë! Për fat të mirë, siç raportohet, nuk ka pasur të lënduar.
Në orën 02:20 kishte ndodhur pasgoditja e 17-të me magnitudë 3.9 Rihter, ndërsa i kishin paraprirë dy të tjera me të njëjtin intensitet. Sipas Institutit Gjeodinamik, epiqendra ndodhej 6 kilometra në jug-perëndim të Moiras në Heraklion, në të njëjtin vend ku ndodhi tërmeti 5.1 Rihter.
“Është ende herët për të thënë nëse është tërmeti kryesor”, tha për mediat greke presidenti i OASP, Efthymios Lekkas, për tërmetin 5.1 Rihter që ndodhi natën e së enjtes 7 km në jugperëndim nga Heraklionit.
