Si formohet rendi i shikuesve në historitë tuaja në Instagram
Sipas Status Brew, shikuesit e historive në Instagram nuk renditen në mënyrë kronologjike. Instagram me qëllim i mban sekret algoritmet e tij, por ka disa shpjegime të mundshme pas renditjes në të cilën shfaqen shikuesit e tregimeve tuaja. Menaxheri i zhvillimit të produkteve të Instagram tha për The Verge se njerëzit që shfaqen në krye janë ata me të cilët ne lidhemi më shumë dhe jo anasjelltas.
Algoritmi i aplikacionit njeh me kë ndërveprojmë shpesh dhe kështu i vendos lart në listë, pasi e di që janë profilet që na interesojnë më shumë. Në sytë e algoritmit ndërveprimi mund të nënkuptojë një sërë gjërash si vizita e një profili, pëlqimi dhe komentimi.
