Në gati 10% të qendrave të votimit në Shqipëri po vërehet se identifikimi elektronik i votuesve nuk ka funksionuar. Kjo "anomali" ka bërë që njerëzit t'i kthehen votimit si qëmoti dhe në mënyrë që të shmanget shkuarja e një personi disa herë për të votuar, atij që e kryen procesin i vendoset një shenjë mbi gisht.
Por "rastësisht" po ndodh që aty ku nuk funksionon identifikimi elektronik edhe boja fshihet nga gishti shumë lehtë. Këtë e ka provuar menjëherë pasi votoi moderatorja e emisionit Now në Euronews, Erla Mëhilli. Ajo ka votuar në një qendër pranë akademisë së Arteve dhe menjëherë më pas ka realizuar një video ku tregon se si gishti i saj pastrohet fare lehtë. Pra, që tani në shumë pika të Bashkisë së Tiranës dy nga mburojat më të forta për tu mbrojtur nga manipulimi i votës kanë rënë.
[video width="480" height="848" mp4="https://cdnimpuls.com/lapsi.al/wp-content/uploads/2023/05/WhatsApp-Video-2023-05-14-at-12.56.18-PM-1.mp4"][/video]
Ky fenomen i treguar në video është harur me qindra herë në shumë votues gishtat e të cilëve janë pastruar lehtësisht.
Komisioneri Shtetëror i Zgjedhjeve, Ilirjan Celibashi në një deklaratë për mediat i ka pranuar "problemet elektronike". Ai pohoi se në 531 qendra ka pasur telashe me identifikimin biometrik.
Ne foto Celibashi ne pamundesi per te votuar elektronikisht
Celibashi theksoi se një pjesë e arsyeve mund të lidhen me mosparaqitjen e operatorëve në qendrat e votimit, apo dhe mungesën e plotë të informacioneve të tyre apo dhe funksionalitetin e pajisjes. Madje edhe në qendrën kua ai votoi vetë nuk pati sukses për tu identifikuar biometrikisht.
Deri këtu gjithçka mund të dukej e rastësishme, por dyshimet filluan kur Partia Socialiste iu drejtua me një shkresë KQZ ku kërkohej që në qendrat ku teknologjia nuk funksiononte të vijohej me votimin tradicional. Pas kësaj komisioneri shtetëror i zgjedhjeve, Ilirjan Celibashi vendosi që në ato qendra votimi ku ka pasur probleme me pajisjen e identifikimit elektronik, duke bllokuar kështu procesin, gjithçka do të vijojë manualisht.
Pra, për ta përmbledhur. Teknologjia kërkon. PS-ja kërkon që të vazhdohet votimi duke u bazuar tek garancia e shenjës mbi gisht. KQZ jep 'OK' për këtë. Por edhe pas kësaj ashtu sikurse duket në video, shenja fshihet shumë lehtë.
[video width="352" height="640" mp4="https://cdnimpuls.com/lapsi.al/wp-content/uploads/2023/05/WhatsApp-Video-2023-05-14-at-1.43.18-PM-1-1.mp4"][/video]
Po t'i shtosh këtyre presionin e shumtë të njerëzve të administratët të shpërndara në qendra votimi të cilët ushtrojnë presion mbi zgjedhësit dhe policinë që nuk i përgjigjet denoncimeve për ti larguar ata, duket se procesi po merr një udhë pa krye.
©Lapsi.al
