Një punonjës i policisë në burgun e Drenovës ka tentuar që të fusë karikatorin me fishekë në burg. Mësohet se efektivi Etjen Gjata, është ndaluar gjatë kontrollit pasi ka patur karikatorin e pistoletës të mbushur. Ai ka qenë gati për t’u futur në ambjentet e brendshme të burgut.
Punonjësi i policisë i ndaluar, ka lidhje me një të dënuar të sigurisë së lartë. Ende nuk ka informacione të sakta përse ka dashur të fusë karikatorin e pistoletës brenda ambjenteve të burgut. Pritet që rrethanat të zbulohen nga hetimi që do të kryhet për rastin.
