Ndërsa edhe pak orë na ndajnë nga zgjedhjet vendore, Komisioni Qendror i Zgjedhjeve ka njoftuar heqjen e menjëhershme të materialeve propagandistike të partive politike. Në vendimin e sotëm, KQZ shprehet se këto materiale propagandistike të subjekteve zgjedhore nuk do të lejohen në një distancë jo më të vogël se 300 metra. Për heqjen e tyre KQZ ka ngarkuar policinë e shtetit, policitë bashkiake dhe subjektet zgjedhore.
VENDIM
PËR HEQJEN E MATERIALEVE PROPAGANDISTIKE TË SUBJEKTEVE ZGJEDHORE NGA TË GJITHAEKRANET LED WALL NË AFËRSI TË QV-VE, KZAZ-VE DHE VNV-VE
Në mbështetje të nenit 19, pikat 1, shkronjat “dh”, “f”, “n”, dhe 2, si dhe të udhëzimit nr. 6, datë23.03.2021, të Komisionerit Shtetëror të Zgjedhjeve, “Për përdorimin e materialeve propagandistike e edukuese dhe rregullat për afishimin e tyre gjatë fushatës zgjedhore”,
VENDOS:
1. Heqjen e menjëhershme të të gjitha materialeve propagandistike të subjekteve zgjedhore nga të gjitha ekranet LED Wall në distancë më të vogël se 300 metra nga selitë e QV-ve,KZAZ-ve dhe VNV-ve.
2. Ngarkohen subjektet zgjedhore, Policia e Shtetit dhe policitë bashkiake për zbatimin e këtijvendimi.
3. Ky vendim do ju njoftohet subjekteve zgjedhore, Policisë së Shtetit si dhe PoliciveBashkiake nëpërmjet postës elektronike.
4. Ky vendim hyn në fuqi menjëherë dhe publikohet në faqen elektronike zyrtare të Komisionit Qendror të Zgjedhjeve.
