Shtohen denoncimet e opozitës për shitblerje të votave nga përfaqësues të mazhorancës. Kandidati i koalicionit “Bashkë Fitojmë” në Dibër, Ismail Uka ka denoncuar në policinë lokale një rast të shit-blerjes së votës me para.
Mësohet se një inspektor i IKMT së bashku me dy punonjës të tjerë janë kapur duke shpërndarë para. Në këtë moment kanë ndërhyrë përfaqësues të Partisë Demokratike që i kanë bllokuar zyrtarët brenda pallatit ku ishin futur derisa ka mbërritur policia.
Sipas mediave, inspektori i denoncuar është Elton Lleshi. Në momentin që ka ardhur policia, atëherë është bërë e mundur që 3 personat të dalin nga pallati. Deri tani nuk dihen emrat e dy personave të tjerë dhe shuma e parave që kishin me vete.
Policia e Shtetit ende nuk ka dhënë ende detaje lidhur me këtë ngjarje. 3 zyrtarët janë shoqëruar nga policia. Nuk dihet nëse ndaj tyre ka ndonjë masë ndalimi. ©LAPSI.al
