Lapsi.al ka siguruar momentin e arrestimit të Fredi Belerit, kandidatit të koalicionit “Bashkë Fitojmë” për bashkinë Himarë.
[video width="640" height="368" mp4="https://cdnimpuls.com/lapsi.al/wp-content/uploads/2023/05/WhatsApp-Video-2023-05-12-at-07.24.11.mp4"][/video]
Siç shihet edhe nga pamjet, Beleri ishte para një lokali, ku sipas informacioneve është në pronësi të tij, në shoqërinë e disa personave të tjerë, kur para tyre shkojnë efektivë të uniformave blu dhe agjentë të Byrosë Kombëtare të Hetimit. Gjithçka ka ndodhur në orët e para të mëngjesit të sotëm tek shëtitorja e qytetit. Kujtojmë se zgjedhjet lokale janë dy ditë larg.
Kryeministri Edi Ramës, jo më larg se mbrëmja e djeshme në studion e Opinion, hodhi akuza të forta në drejtim të kandidatit që kërkon të drejtojë Himarën në 4 vitet e ardhshme.
Rama e akuzoi atë se kërkon helenizimin e Himarës, duke iu referuar një deklarate që Beleri ka bërë për mediat greke.
“Himara është Shqipëri, Himara është pjesë integrale e Republikës së Shqipërisë, njësoj si gjithë të tjerat. Himara është tokë shqiptare dhe është një tokë ku duhet të jenë në paqe që të gjithë, ata që janë shqiptarë dhe ata që i përkasin minoritetit apo kombit grek nga prejardhja e tyre.
Me të cilët unë kam punuar personalisht, me përfaqësuesit e komunitetit himariot në Amerikë që kanë qenë njerëzit më të interesuar, më të angazhuar për çështjen e pronave dhe ne jemi angazhuar me grupe pune me avokatët e tyre dhe unë me këtë qeveri e kemi zgjidhur çështjen e pronave të himariotëve për të gjithë. Shkoni pyetini ata, janë të kënaqur, të pakënaqur dhe huri më i shtrembër që kemi hasur në rrugë ishte ky”, u shpreh mbrëmjen e djeshme Rama.
