Nëse menduat se albumet e fundit të Doja Cat, ishin me të vërtetë të fundit, e keni gabim. Ajo ka zbuluar se i quajti me qëllim dy albumet e saj të fundit si marifete për të fituar para.
Në një postim publik, reperja fituese e çmimeve Grammy ndau disa detaje për albumet e saj “Hot Pink” dhe “Planet Her” të publikuara përkatësisht në vitet 2019 dhe 2021.
“Planet her’ dhe ‘hot pink’ ishin për të marrë disa para dhe ju e besuat”, shkroi në Twitter krijuesja e hitit “Woman” . “Tani mund të shkoj të zhdukem diku me të dashurit e mi në një ishull, ndërsa do të qaj për muzikën mediokër.”– tha më tej ajo.
Doja mori çmimin e parë Grammy në karrierën e saj pas suksesit të albumit “Hot Pink”. Ajo fitoi nominimin në vitin 2020 për këngën e saj në krye të listës “Say So”.
Albumi i saj “Planet Her”, i dha asaj një nominim për Grammy për albumin e vitit dhe albumin më të mirë vokal pop në ceremoninë e vitit 2022.
