Një shqiptar ka vdekur nga përplasja e makinës që drejtonte orët e vona të mbrëmjes së djeshme në Itali. Në krah të tij ishte babai i tij. Tetëmbëdhjetë vjeçari, Admir Hoti, ka ndërruar jetë mbrëmjen e djeshme, pasi u përfshi në përplasjen e tmerrshme në unazën e Portogruaros .
Bilanci është tragjik me dy persona të plagosur rëndë dhe tetëmbëdhjetë vjeçarin që humbi jetën. I riu ishte dërguar me urgjencë në spitalin Angelo në Mestre për t’iu nënshtruar një operacioni.
Gjithçka ka ndodhur rreth orës 20:00 të mbrëmjes, në shtrirjen e unazës Mattei që të çon nga viadukti i rrethrrotullimit të Alpinit drejt Noiarit. Në përplasjen e tmerrshme janë përfshirë dy makina. Duket se origjina e përplasjes është shkaktuar nga rrëshqitja e një Fiat Grande Punto e cila po lëvizte nga San Stino në drejtim të Portogruaro. Pasi kaloi nëpër rrethrrotullimin e interportit, shoferi vazhdoi drejt unazës Mattei, kur, pranë një kthese, humbi kontrollin.
Një Chevrolet po mbërrinte në drejtim të kundërt, drejtuesi i të cilit u përpoq të shmangte goditjen duke goditur pengesën thithëse të zërit në anë të rrugës. Shpërthimi ishte i pashmangshëm.
Alarmi është ngritur menjëherë nga disa shoferë kalimtarë. Ekipet e shpëtimit kanë mbërritur në vendngjarje me tre autoambulanca, zjarrfikëse dhe dy patrulla karabinierësh.
