Një juri federale në Nju Jork e gjeti ish-presidentin Donald Trump përgjegjës për shpifje në një gjyq civil që rrjedh nga akuzat se ai ab*zoi me shkrimtaren E. Jean Carroll në dhomën e zhveshjes së një dyqani në mesin e viteve 1990. Ajo u shpërblye me 5 milionë dollarë në total.
Gjatë gjyqit tetë-ditor, avokatët e Carroll kërkuan një çështje para jurisë duke paraqitur se si pretendimet e saj përshtaten me një model, ose "modus operandi" për Trump. Përveç dëshmitarëve që thanë se Carroll u besoi atyre pas incidentit, juria dëgjoi edhe dy gra të tjera që përshkruan ish presidentin duke i kthyer papritur konfrontimet e rastësishme në sjellje të pahijshme se*suale.
Avokatët e tij nuk thirrën asnjë dëshmitar dhe ai nuk dëshmoi në gjyq. Ata argumentuan se Jean dhe 10 dëshmitarët e tjerë të thirrur nga ekipi i saj po komplotonin për të njollosur një ish-president nga urrejtja për të.
Carroll e akuzoi Trumpin se e kishte sulmuar dhomën e zhveshjes së një dyqani Bergdorf Goodman në New York City në mesin e viteve 1990, dhe më pas e shpifi pasi ajo publikoi situatën në llogarinë e saj në vitin 2019. Ajo dëshmoi gjatë gjyqit, se u përplas me Trump ndërsa po dilte nga dyqani një mbrëmje. Ajo tha se Trump e njohu atë, duke thënë "Hej, ju jeni ajo zonja këshilluese", duke iu referuar një rubrike reviste që Jean shkruante për gati tre dekada. Shkrimtarja tha se u përgjigj: "Hej, ti je ai manjati i pasurive të patundshme".
Carroll, atëherë 52 vjeç, shtgou se Trump, atëherë 50 vjeç, donte këshilla për një blerje dhuratë për një vajzë.Ai i sugjeroi të shkonin në departamentin e të brendshmeve dhe aty gjërat morën një kthesë të errët./Lapsi.al
