Rymir Satterthwaite, i cili ka pretenduar se është djali i Jay-Z, ka çuar të atin e tij të dyshuar në Gjykatën e Lartë në përpjekjen e tij për t'u njohur zyrtarisht.
Ai ka kërkuar që dokumentet e gjykatës të zbardhen në mënyrë që të mund të ndjekë me sukses çështjen kundër Jay-Z."Kjo nuk do të përfundojë derisa drejtësia të vihet në vend," tha Satterthwaite për Daily Mail. “Unë thjesht dua të jetoj jetën time dhe, kur gjithçka thuhet dhe bëhet, shpresoj që Jay-Z do të donte të ishte pjesë e jetës sime, nëse ky është vullneti i Zotit. Unë nuk do të ndaloj së luftuari për këtë derisa të fitoj. Dhe do të fitoj sepse ligji është në anën tonë."
Satterthwaite ka bërë bujë në vitet e fundit për shkak të pretendimeve të tij se ai është djali biologjik i reperit Jay-Z. Sipas tij dhe nënës Wanda, ajo kishte një lidhje të shkurtër me Jay-Z para se reperi të bëhej i famshëm, dhe Rymir lindi në vitin 1994. Megjithatë, artisti ka mohuar vazhdimisht se ai është babai i tij dhe kanë pasuar beteja ligjore.
Në vitin 2011,Wanda ngriti një padi civile në New Jersey, duke kërkuar mbështetje dhe njohjen e atësisë nga Jay-Z. Megjithatë, padia u hodh poshtë me arsyetimin se çështja duhej të ishte ngritur në një shtet tjetër dhe nuk u rikthye kurrë. "Akuzat janë shqyrtuar më parë tërësisht nga gjykatat dhe janë hedhur poshtë," thanë avokatët e Jay-Z në një letër për Daily Mail. "Unë jam i sigurt se ky do të jetë rezultati i çfarëdo dosjesh që mund të shqyrtojë aktualisht zoti Satterthwaite."/Lapsi.al
