Një nga detajet më prekëse të vrasjes në familjen shqiptare në Itali, është vendi ku u fsheh djali 5-vjeçar. Ai u fsheh pas divanit në dhomën e ndenjes, ndërsa babai i tij goditi për vdekje motrën e tij Xhesikën.
Babai i tij, Taulant Malaj, vrau italianin Massimo De Santis, i cili besonte se ishte i dashuri i gruas së tij. Kur karabinierët hynë në shtëpi, e gjetën fëmijën ende të fshehur, të dridhur dhe të tmerruar.
Ata e qetësuan dhe më pas ia besuan xhaxhallarëve të tij. Ushtarakët shprehen të bindur se në momentin e arrestimit babai ishte në kërkim të djalit të tij, detaj që del edhe nga videoja e tmerrshme që vrasësi ka xhiruar pas vrasjes së dyfishtë.
Përpara prokurorëve, autori ka treguar se e shoqja, Tefta Malaj ia kishte pranuar lidhjen me italianin Massimp De Santis që jetonte një kat sipër tyre, madje i kishte kërkuar familje dhe që të mos ndaheshin. Por, Taulanti thotë se kishte parë mesazhe të tjera mes të shoqes dhe Massimos e një ditë më parë i kishtë zënë pritë në shkallë këtij të fundit.
Ai e la atë të mbuluar në gjak dhe me të njëjtën thikë u fut në banesë e masakroi të vijën e gruan. Këtë të fundit, siç tha dhe vetë sot, e ka lënë të gjallë që të vuante pas vdekjes së të bijës.
