Një aksident i rëndë ka ndodhur paarditen e sotme në Shkodër, ku drejtuesi i një automjeti ka përplasur një këmbësore.
Ngjarja ka ndodhur në ‘sheshin ‘Demokracia’, rreth orës 9:50, ku drejtuesi 65-vjeçar ka përplasur 55-vjeçaren.
Aktualisht, e aksidentuara ndodhet në Spitalin Rajonal të Shkodrës, ku dhe po merr kujdesin e specializuar mjekësor.
Njoftimi i Policisë:
Shkodër/Informacion paraprak
Rreth orës 09:50, në sheshin “Demokracia”, shtetasi A. R., 65 vjeç, duke drejtuar automjetin, ka përplasur shtetasen N. Gj., 55 vjeçe (këmbësore), e cila po merr aktualisht ndihmën mjekësore, në Spitalin Rajonal Shkodër.
65-vjeçari është dërguar në ambientet e Komisariatit të Policisë Shkodër, për kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të aksidentit.
