15 shoferë janë arrestuar dhe vënë nën hetim gjatë një jave në Tiranë, pasi drejtonin mjetet në gjendje të dehur ose pa leje drejtimi.
56 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.
559 drejtues mjetesh janë ndëshkuar me gjobë për përdorim të celularit gjatë drejtimit të mjeteve.
348 drejtues mjetesh janë ndëshkuar për mosdhënie përparësie këmbësorëve në vija të bardh, ndërsa 542 të tjerë janë ndëshkuar për mosvendosje të rripit të sigurimit.
175 gjoba janë vendosur gjatë një jave për mosvendosje të kaskës mbrojtëse nga drejtuesit e motomjeteve.
Policia Rrugore e Tiranës
Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet. Gjatë javës që lamë pas 15 shtetas janë arrestuar dhe proceduar për drejtim automjeti, në gjendje të dehur ose pa leje drejtimi. 56 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor. Janë ndëshkuar me masë administrative 559 drejtues mjetesh, për përdorim të celularit gjatë drejtimit të mjeteve. 348 drejtues mjetesh janë ndëshkuar për mosdhënie përparësie këmbësorëve, në vija të bardha. 542 drejtues mjetesh janë ndëshkuar për mosvendosje të rripit të sigurimit. Janë vendosur 175 masa administrative, për mosvendosje të kaskës mbrojtëse, nga drejtuesit e motomjeteve.
