Një ngjarje e rëndë është regjistruar mëngjesin e sotëm në Kuçovë. Si pasojë e shpërthimit të një bombole gazi, është shembur pjesa e një banese, ndërsa ka zënë brenda një çift të moshuarish. Ngjarja ndodhi në lagjen ‘11 Janari’ rreth orës 06:00.
Të moshuarit janë jashtë rreziku për jetën.
Kuçovë/Informacion paraprak
Më datë 07.05.2023, rreth orës 06:00 në lagjen “11 Janari”, Kuçovë në një banesë ku jetonin shtetasit
M.K 86 vjeç dhe A.K., 84 vjeçe (bashkëshortë), ka shperthyer një bombol gazi dhe për pasojë një pjesë e banesës është rrëzuar.
Shërbimet e Policisë dhe të zjarrfikëses kanë shkuar menjëherë në vendngjarje dhe deri në këto momente kanë bërë të mundur nxjerrjen e shtetasit M.K, i cili është dërguar në Spital për ndihmë mjekësore.
Vijon puna për nxjerrjen e shtetases A.K.
Në vendngjarje ndodhen ekspertët zjarrfikës, kriminalist dhe Njësia speciale.
Grupi hetimor po punon për sqarimin e rrethanave të ngjarjes.
Pas përfundimit të veprimeve paraprake në vendngjarje do të ketë informacion të plotë.
