Kandidati i kolaicionit “Bashkë Fitojmë” për Bashkinë e Vorës Indrit Hoxha ka bërtë sot një denoncim penal në SPAK për këtë bashki për tenderin e pastrimit me vlerë 2.3 milionë euro.
Në një deklaratë për mediat, ai i bëri thirrje SPAK që të nis hetimet dhe se pergjegjesit të vihen para drejtësisë.
Hoxha tha po ashtu se SPAK duhet të fillojë sekuestrimin e dokumenteve të bashkisë për të zbuluar edhe abuzimin me këtë tender.
“Sot kam bërë kallëzimin e parë penal për aferën 2.3 milionë euro. I bëj thirrje SPAK që në menyre të menjehershme të fillojë sekuestrimin e dokumenteve të bashkisë dhe të vë para drejtësisë pergjegjesit.
Koha për abuzimet e pushtetarëve me qytetarët, do të marrë fund. Kush a vendosur dorë mbi taksa e qyteteve duhet të japë llogari. Ne jemi të vendosur që për çdo masë ligjore, për të parandaluar këtë maskaradë që eksponentë kriminale kërkojnë që të bëjnë.
Vora ka qenë vatër e nxehtë elektorale. Unë inkurajoj qytetarët që të dalin të lirë, të mos bien pre e shantazhit dhe të shkojnë drejt kutive të votimit të lirë. Bëhet fjalë për tenderin e pastrimit që është ë vlerën e 2.3 mln euro. Sot Vora është bashkia më e pistët. Kam kallëzuar kryetarin e Bashkisë, Blerim Shera.”- u shpreh Hoxha.
