Një 21-vjeçar shqiptar ka rënë në prangat e policisë greke. Ai akuzohet se ka qenë i përfshirë në një sherr ku është rrahur në mënyrë brutale 16-vjeçari që kishte veshur uniformën e PAOK-ut . Mediat vendase shkruajnë se arrestimi i të riut shqiptar është bërë mbrëmjen e së martës.
Ndaj 21-vjeçarit është ngritur një dosje për plagosje trupore si dhe për grabitje. Njëkohësisht vijojnë hetimet për identifikimin e bashkëpunëtorit të tij.
Sulmi ndaj 16-vjeçarit ndodhi pasditen e së martës, në zonën e Agios Pavlos në Selanik. Dy persona e sulmuan në mes të rrugës. Autorët e rinj kanë pikasur 16-vjeçarin duke ecur në rrugën “Michail Karaoli” dhe sipas dëshmitarëve okularë e kanë rrahur me shqelma dhe grushta pasi kishte veshur një bluzë të një grupi të ndryshëm nga ai që mbështesnin të rinjtë që e sulmuan.
