Filmi Super Mario Bros. parashikohet të kalojë kufirin e 1 miliard dollarëve.
Sipas NBCUniversal, përshtatja e lojërave video është filmi i 10-të i animuar në histori që e arrin këtë arritje dhe tani është filmi i 10-të më i madh i animuar i të gjitha kohërave, duke mposhtur Despicable Me 2 dhe Minions: The Rise Of Gru në tregun global.
Ashtu si protagonisti i tij, Filmi Super Mario Bros ka thyer edhe më shumë rekorde duke arritur në krye të biletave botërore, vendase dhe ndërkombëtare – vetëm 26 ditë pasi u publikua. Ai shënoi hapjen më të mirë të të gjitha kohërave për një film të animuar, me 377 milionë dollarë në shitjet globale të biletave.
Filmi i animuar u bë gjithashtu filmi i shtatë më i madh i Universal Studios ndonjëherë, dhe tani është edhe filmi numër 1 i animuar dhe i katërt më i madh që nga viti 2019 për sa i përket shifrave globale të biletave.
Me regji nga Aaron Horvath dhe Michael Jelenic, Filmi Super Mario Bros vjen nga Nintendo dhe Illumination, studio prapa ekskluziviteteve Despicable Me dhe Minions. Chris Pratt bën zërin e Marios, hidraulikut modest të Bruklinit, i cili aksidentalisht transportohet në Mbretërinë magjike të Mushroom, ku ai ndihmon Princeshën Peach (Anya-Taylor Joy) të luftojë breshkën e keqe Bowser (Jack Black). Kasti përfshin gjithashtu Charlie Day si Luigi, Seth Rogen si Donkey Kong, Keegan-Michael Key si Toad dhe Fred Armisen si Cranky Kong./Lapsi.al
