Ushtria ukrainase ka thënë se grupet e mbrojtjes ajrore të Ukrainës kanë rrëzuar pesëmbëdhjetë nga tetëmbëdhjetë raketat e lëshuara nga avionët e Forcave Ajrore ruse. Ato janë lëshuar në orët e para të ditës së sotme. Ndërkaq sirenat e mbrojtjes ajrore u dëgjuan në disa zona për më shumë se tre orë.
Sipas Valery Zaluzny, shefi i shtabit të përgjithshëm të mbrojtjes kombëtare, 15 nga 18 raketat e lëshuara janë shkatërruar. Autoritetet e rajonit të Kievit siguruan se të gjitha raketat e drejtuara drejt tij u rrëzuan. Sipas informacioneve të para, “nuk ka pasur viktima në mesin e popullatës civile” dhe as “dëmtime në banesa apo infrastrukturë”.
Grupet e mbrojtjes ajrore u aktivizuan për të mbrojtur vetë kryeqytetin ukrainas dhe periferinë e tij.
