Nuk ka asgjë më të mirë se të japësh një përgjigje për të zgjidhur një krizë. Kështu ka bërë Georgina Rodriguez, partnerja e Cristiano Ronaldos.
Georgina Rodriguez ka thyer heshtjen dhe ka zgjidhur në mënyrën e saj thashethemet që qarkullojnë prej disa ditësh dhe që pretendojnë se modelja dhe Cristiano Ronaldo po kalojnë krizën në çift. Influencuesja ka shfrytëzuar rrjetet e saj sociale për ta bërë këtë dhe i është drejtuar këngës “Si yo muero” të Romeo Santos: “ Ziliqari shpik thashethemet, thashethemexhiu i përhap dhe idioti e beson”.
Georgina zakonisht nuk mohon asnjë informacion në rrjetet e saj sociale. Mirëpo me këtë rast thashethemet janë forcuar aq shumë sa ajo ka bërë një përjashtim dhe ka dalë kundër gjithçkaje që publikohet për marrëdhënien e saj me lojtarin portugez që luan për Al Nassr në Arabinë Saudite.
Të mërkurën, u raportua se dyshja humbën durimin përpara se të hipnin në një aeroplan dhe përfunduan duke i bërtitur njëri-tjetrit, pavarësisht faktit se ata ishin para njerëzve të tjerë. “Ata patën një zënkë me të bërtitura para se të hipnin në avion ”, tha dëshmitari. Cristiano Ronaldo nga ana tjetër thuhet se është i mërzitur me qëndrimin e saj dhe mendon se ajo po bëhet ‘egocentral’./Lapsi.al
