Më 26 prill në mesditë u aludua se opinionistja Zhaklin Lekatari kishte rënë pre e një sulmi. Kjo rezultoi të ishte e pavërtetë.
"Persona të paidentifikuar kanë gjetur mjetin e Lekatarit në një nga parkingjet tek stadiumi Dinamo. Policia ka mbërritur në vendngjarje dhe po kryhen hetime." - u tha në media.
Por ngjarja rezultoi e pavërtetë. Edhe Zhaklin Lektarai edhe policia njoftuan se makina e saj nuk ishte sulmuar.
Në një prononcim për BalkanWeb, Zhaklin Lekatari ka deklaruar se “nuk është e vërtetë që më kanë thyer xhamat e makinës”, por shtuar se ka pasur një tjetër problem për të cilin i është dashur ndërhyrja e policisë.
Ndërkohë kanë reaguar edhe blutë e Tiranës duke raportuar se: “Në lidhje me një lajm të publikuar në portale për një automjet të dëmtuar në afërsi të stadiumit “Dinamo”, ju sqarojmë se lajmi është i pavërtetë.”
Në fotot e publikuara nga JOQ, Lekatari shihet tesa "ngushëllohet" nga një mikeshë e saj.
(Shënim: Lajmi u botua fillimisht me titull: "Sulmohet Zhaklin Lekatari. I thyejnë xhamat e makinës"; dhe me përmbajtje tjetër: "... persona të paidenfitikuar kanë gjetur makinën e opinionistes dhe i kanë thyer xhamat". Informacioni rezultoi i pavërtetë. Pas reagimeve të personit në fjalë, policisë dhe verifikimit të Faktoje.al lajmi u ndryshua në formën që mban tani.)
