Besueshmëria e këtyre zgjedhjeve po rrënohet me një shpejtësi marramendëse. Pasi kanë zhveshur opozitën reale, atë që është e vetmja përpos rilindjes që konkuron në të 61 bashkitë e vendit edhe nga vula, edhe nga komisioneret edhe nga financimi publik edhe koha mediatike, sot KQZ ka hedhur edhe një hap më shumë drejt shkatërrimit të zgjedhjeve.
LEXO ME TEJ:
Deformimi i radhës/ Berisha-Meta pa numërues në gjysmën e vendit
Ajo ka vendosur që në gjysmat e tavolinave të numërimit të votave të mos ketë asnjë nga numëruesit që cakton aleanca Berisha Meta dmth, "Bashkimi për fitore". Pra në gjysmat e tryezave ku do të kalohen nëpër duar votat e sapo dalë nga kutia, një numërues do të jetë i Ramës, një i Tom Doshit si pjesë e mazhorancës, kurse votat e opozitës do ti ruajë një i Alibeaj dhe një i Shpëtim Idrizit që KQZ-ja e ka emëruar si opozitë ndonëse në traditën më të vyer të tregut çam PDIU voton prej kohësh përkrah qeverisë. Ndonëse sipas akrobacirave të Kolegjit Zgjedhor, KAS-it dhe KQZ-së përfaqësuesit e PD të Berishës nuk figurojnë formalisht në këto zgjedhje, më këtë vendim është prishur një traditë e vendosur që pas masakrave elektorale të viteve 2000. Që prej asaj kohe u vendos parimi i ekuilibrit që secila palë ruan votat e veta. Për herë të parë opozita reale që konkuron në të gjitha bashkitë është zhveshur nga kjo e drejtë.
©Lapsi.al
