James Corden u përpoq të bënte një shaka me Adele por shkoi tmerrësisht keq.
Gjatë segmentit "Carpool Karaoke" të së hënës, dy miqtë reflektuan mbi një shaka të patransmetuar që ajo deklaroi se "askush nuk mund të më bëjë shaka".
Prezantuesi i "Late Late Show" shpjegoi se ekipi i tij kishte koordinuar një intervistë me Adelën në një shtëpi, ku më pas ajo do të ndërpritej nga rojet e parkut duke e paralajmëruar se një ari ishte afër vendit. Corden madje futi në shaka spikeren e CBS News, Gayle King, duke regjistruar një segment të lajmeve të rreme për ariun e zhdukur, i cili do të luhej në dhomën e grimit të Adelës.
Sidoqoftë, shakaja e padëmshme mori një kthesë të shpejtë kur dikush nga ekipi i saj – i cili nuk ishte në dijeni të shakasë – vuri re një nga kamerat e fshehta dhe i tha artistes. Adele shtoi se procesi i saj i të menduarit ishte: "Unë jam duke u spiunuar" dhe "kush e ka vendosur kamerën?"
Por gjërat u përkeqësuan vetëm kur ajo hyri në një dhomë të dytë që përmbante foto të saj. “O Zot, jo, nuk jam e lumtur që jam këtu, nuk jam shumë rehat”, dëgjohej duke thënë ajo. Duke vënë re se sa "e pakëndshme" dhe në ankth ishte , Corden dhe ekipi i tij vendosën të hiqnin dorë nga shakaja.
Segmenti shënoi "Carpool Karaoke"-n e fundit të Corden, pasi kjo është java e tij e fundit që pret emisionin e suksesshëm pas tetë vjetësh. Komediani njoftoi prillin e kaluar se do të bënte edhe një vit përpara se të jepte dorëheqjen dhe të kthehej në Londër./Lapsi.al
[gallery size="medium" ids="818334,818335,818336,818337"]
