Familjarët e dy të zhdukurve nga fshati Çukë në Sarandë, Leonard Thodhorit dhe Fatmir Sulovarit , janë përplasur verbalisht me një efektiv policie duke kërkuar llogari për fatet e dy të humburve. Ata janë zhdukur prej 16 ditësh në mënyrë mizterioze.
I vëllai i Fatmir Sulovarit kërkoj t'i gjendet trupi i të vëllait, edhe në qoftë se e kanë vrarë.
“Ne nuk po vijmë as për një lopë, as për një viç...Unë dua shefin e komisariatit. Mua s’më intereson. Unë dua trupin, ta marr dhe t’ua çoj atyre prindërve në shtëpi. Kam 15 ditë që po e kërkoj.”, iu drejtuan ata policit.
Familjarët thonë se para komisariatit do të mblidhen vazhdimisht, derisa të kenë një pergjigje nga policia.
