Ice Spice ka sulmuar së fundmi Instagramin pasi platforma e mediave sociale hoqi një nga postimet e saj për përdorimin e emrit të saj të vërtetë, Isis.
Në fillim të kësaj jave, reperja (emri i vërtetë i të cilit është Isis Gaston) u tha fansave përmes Story-t në Instagram se postimi i saj u tërhoq për shkelje të udhëzimeve të komunitetit, sipas një fotografie të postuar. "Nuk mund të shkruaj emrin tim," shkroi ajo.Postimi në fjalë ishte një foto e reperit me mbishkrimin “Ayo Isis”, me një emoji anash. Algoritmi i aplikacionit me sa duket e shënoi titullin si një referencë për organizatën terroriste islamike.
Në pamjen e ekranit, Instagram renditi udhëzimet e tij dhe tha se heq "fotot ose videot e dhunës ekstreme grafike, fotot ose videot që inkurajojnësulmet ndaj kujtdo bazuar në prejardhjen e tyre fetare, etnike ose se*suale dhe kërcënimet specifike të dëmtimit fizik, vjedhjes, vandalizëm apo dëm financiar”.
Ice Spice së fundmi bashkoi forcat me Nicki Minaj në këngën "Princess Diana (Remix)," e cila u publikua më 14 prill. Të premten, dyshja publikuan një EP të titulluar Princess Diana (Versions), i cili përfshin shtatë versione të ndryshme të remiksit të ri./Lapsi.al
