Lajmi se Neymar dhe partnerja e tij Bruna Biancardi janë në pritje të fëmijës së tyre të parë është ndër lajmet që kanë ngjallur interesin e publikut. Lajmin e lumtur e ka bërë të ditur superylli brazilian i futbollit në Instagramin e tij.
Po kush është Bruna Biancardi?
Biancardi është një ndikuese dhe modele me më shumë se 3.8 milionë ndjekës në Instagram. 29-vjeçarja nga Sao Paulo është gjithashtu një sipërmarrëse pasi ka markën e saj të veshjeve.
Dyshja thuhet se filloi lidhjen në vitin 2021, por e mbajtën larg syrit të publikut për muaj të tërë. Të dy njoftuan lidhjen e tyre në janar 2022, duke zbuluar se janë fejuar.
Dyshja u përfol se ishin ndarë në verën e vitit 2022 kur Neymar nuk u pa të mbante unazën e fejesës në publik. Pasi bëri një pushim nga rrjetet sociale, Bicardi konfirmoi ndarjen e saj nga ish-ylli i Barcelonës, duke dhënë përgjigjen e saj për spekulimet e tradhtisë.
29-vjeçarja më pas shkroi në rrjetet sociale: “Mos besoni gjithçka. Më pëlqen shumë Neymar dhe gjithë familja e tij. Ju lutem mos e përfshini emrin tim. Faleminderit”.
Bruna dhe Neymar më pas u bashkuan dhe këtë e konfirmuan gjatë ditëlindjes së 31-të të Neymar.
Kujtojmë se Neymar ka edhe një djalë 12-vjeçar, i cili quhet Davi Luca.
