Jamie Foxx është në rrugën e rikuperimit.
Fituesi i Oskarit po "shërohet" një javë pasi pësoi një "komplikacion mjekësor", tha një burim për "Entertainment Tonight" . "Ai ndjen dashurinë nga të gjithë," shtoi burimi i brendshëm, përveç konfirmimit të raporteve se Foxx mbetet i shtruar në spital në Gjeorgji. Përditësimi vjen pasi People raportoi të premten e kaluar se aktori po "përmirësohej vazhdimisht" nga urgjenca e tij misterioze.
Anëtarët e familjes së Foxx nuk kanë dhënë një përditësim mbi gjendjen e tij shëndetësore që nga postimi fillestar i vajzës së tij Corinne Foxx në Instagram më 12 prill. “Babai im, Jamie Foxx, përjetoi një komplikacion mjekësor dje”, shkroi vajza. “Për fat, për shkak të veprimeve të shpejta dhe kujdesit të madh, ai tashmë është në rrugën e tij drejt rikuperimit,” vazhdoi Corinne, 29 vjeç. "Ne e dimë se sa i dashur është ai dhe vlerësojmë lutjet tuaja."
Vetëm një ditë para se Jamie të shtrohej në spital, ai u fotografua në xhirime me Cameron Diaz duke filmuar filmin e tyre të ardhshëm "Back in Action". Aktorja nuk ka komentuar ende mbi kalvarin e Jamie-t, ndërsa shumë të tjerë , nga Nick Cannon tek Kerry Washington, kanë dërguar urime përmes mediave sociale. Filmi "Back in Action" i dyshes është përfshirë me skandal, me Foxx që dyshohet se pushoi katër anëtarë të ekuipazhit./Lapsi.al
