Gjermania ka dërguar një sistem të mbrojtjes raketore Patriot në Ukrainë. Kievi ka deklaruar se po përballet me rezerva të pakta të municioneve në një luftë të ashpër kundër forcave ruse.Duke përditësuar listën e mbështetjes ushtarake gjermane në Ukrainë, qeveria konfirmoi se, javën e fundit, dërgesat ushtarake përfshinin një sistem mbrojtjeje raketore Patriot me raketa, 16 kamionë Zetros dhe dy automjete shtesë për mbrojtjen e kufirit.
Sistemi i mbrojtjes raketore Patriot është shumë efektiv në përgjimin e raketave balistike dhe Kakibr. Ai është cilësuar si një nga sistemet më të avancuara dhe më efektive të mbrojtjes ajrore.
Gjermania dhe SHBA u zotuan t’i dërgojnë Ukrainës sistemin e avancuar të mbrojtjes ajrore që dhjetorin e kaluar. Kjo "ofertë" erdhi pas kërkesave të vazhdueshme nga presidenti ukrainas Volodymyr Zelensky.
