Presidenti i sapozgjedhur i Malit të Zi, Jakov Milatoviç deklaroi se vendi duhet të bëhet pjesë e nismës rajonale, Ballkani i Hapur.
Milatoviç u shpreh ne intervistë për Nedeljnik, se shpesh në Ballkan, kur flitet për integrimin evropian, harrohet integrimi rajonal.
“Në fushatë kam qenë transparent për Ballkanin e Hapur. Kam marrë mbështetje historike nga qytetarët dhe aktualisht kam legjitimitetin më të madh në Mal të Zi për të folur për këto tema. Dhe mendoj se edhe qytetarët kanë qenë të qartë kur është fjala për këtë temë. Mendoj se Mali i Zi do të duhej që të bëhej pjesë e Ballkanit të Hapur”, theksoi ai.
