Jamie Lee Curtis kishte turmën duke brohoritur me zë të lartë kur fitoi Oscar-in e saj të parë - të gjithë përveç Angela Bassett.
Bassett dhe Curtis u nominuan për Oscar për Aktoren më të Mirë në rol dytësor për rolet e tyre në "Black Panther: Wakanda Forever" dhe "Everything Everywhere All at Once", respektivisht.
Kur u njoftua se Curtis fitoi, Bassett dukej më pak se e emocionuar - dhe, siç shihet në transmetimin televiziv të ABC, me sa duket nuk u ngrit as për të duartrokitur ndërsa ishte ulur në rreshtin e parë.
Disa përdorues të Twitter ishin të zhgënjyer nga reagimi i saj duke e kritikuar në rrjetet sociale. "Reagimi i Angela Bassett më lëndon," tha një person.
“Pavarësisht se kush e fitoi atë Oskar… Angela Bassett mund të kishte duartrokitur për fituesin. Të ulesh dhe të mos duartrokasësh sepse nuk fitove…” tha dikush.
“Angela Bassett që të mos përkrahë Jamie Lee Curtis është disi e paqartë. E kuptoj që je e mërzitur që nuk fiton, por dreq…”, ka shkruar një tjetër.
Aktorja cila u nominua për herë të parë për një Oscar në 1994 për "What's Love Got To Do With It", tha për Entertainment Tonight se ajo "po ndihej mjaft mirë".
E veshur me një fustan ngjyrë vjollce Moschino, Bassett-it iu bashkua bashkëshorti i saj, Courtney B. Vance, dhe binjakët e tyre 17-vjeçarë, Bronwyn dhe Slater, të cilët thanë se shpresonin që nëna e tyre të fitonte. "Unë dua ta shoh atë të nderohet ashtu siç e di që duhet të jetë," tha Slater./Lapsi.al
