Policia e Tiranës ka finalizuar ditën e sotme operacionin policor të koduar “Locked”, pasi ka arrestuar një 31-vjeçar, i cili i hoqi lirinë për një javë dhe dhunoi bashkëjetuesen e tij 28-vjeçare.
Mësohet se në pranga kanë përfunduar edhe 4 shtetas të tjerë që nuk kallëzuan krimin, përkrahën autorin e krimit dhe kryen veprime për të penguar zbulimin e së vërtetës.
Mësohet se në banesën e Gleard Gushollit u gjetën mjete që përdoren për konsumimin e lëndëve narkotike, mbetje të lëndës së dyshuar narkotike kokainë, si dhe sende të forta me të cilat dyshohet se ai ka dhunuar 28-vjeçaren.
