Policia e Kosovës, të mërkurën deri sa ishe në një pikë të kontrollit të automjeteve në rrugën magjistrale Gjilan – Prishtinë, ka ndalur për kontroll rutinore një kamion me targa të shtetit të Serbisë.
Policia njofton se gjatë kontrollit të dokumenteve vozitësi i këtij kamioni “V.J. (viti i lindjes 1978, mashkull shtetas i Serbisë) zyrtarëve policor u ka ofruar njëzetë (20) euro ryshfet.
I dyshuari është arrestuar nga ana e policisë, është intervistuar në bazë të procedurave ligjore dhe paratë janë konfiskuar si dëshmi për gjykatën, njofton policia.
“Në magjistralen Gjilan-Prishtinë më 12.04.2023 në orën 13:30, është arrestuar i dyshuari mashkull serb shtetas i Serbisë, pasi që i njëjti pasi ishte ndalur nga njësiti policor, gjatë kontrollimit të dokumente, u ka ofruar 20 euro ryshfet. Paratë janë konfiskuar, ndërsa me vendim të prokurorit i dyshuari është dërguar në mbajtje”, thuhet në njoftim.
